«Վերևից հրամանը տված է, դատավորը կատարում է պատվեր»․ Աստղ Գալեյան

«Ակնհայտ էր դատավորի հանգստությունը, համոզված էի, որ վերևից պատվեր է տված»,- դատական նիստից հետո լրագրողների հետ զրույցում անդրադառնալով Լիդյա Մանթաշյանի նկատմամբ կիրառված կալանքի երկարաձգման որոշմանը՝ այս կարծիքը հայտնեց 44-օրյա պատերազմում զոհված Մխիթար Գալեյանի մայրը՝ Աստղ Գալեյանը։

«Բուն գործի հանդեպ այդ հետաքրքրությունը չկար, թեկուզ, ասենք, ինչ-որ հարցեր ուղղված լինեին Լիդյային՝ իր նոթատետրի հետ կապված։ Տպավորությունն այնպիսի էր, որ արագացված տեմպերով պետք է որոշում կայացնի և Լիդյային նորից կալանք տա։ Սա դատական նիստ չէր, ուղղակի թատրոն էր»,- նշեց Գալեյանը՝ ընդգծելով՝ ուղղակի հրամանը տված է, դատավորը կատարում է պատվեր։