«Եթե երեք օրում չպատասխանեն դիմումներին, ակցիաները կշարունակենք»․ վարորդներ

Զբոսաշրջային ծառայություններ մատուցող ավտոմեքենաների վարորդները, ովքեր բողոքի ակցիա էին իրականացնում Հանրապետության հրապարակում որոշեցին դիմուներ ներկայացնել Երևանի քաղաքապետարան ու ՆԳՆ Ոստիկանություն՝ պատրաստակամություն հայտնելով երեք աշխատանքային օր սպասել իրենց հարցի լուծմանը։

Հիշեցնենք՝ նրանք բողոքում են քաղաքապետարանի որոշման դեմ, ըստ որի արգելվել է ավտոմեքենաների կայանումը Հյուսիսային պողոտայի սկզբնամասից մինչև Հանրապետության հրապարակ հատվածում։
Այս պահին նրանք ավտոմեքենաները կայանել են Հրապարակի շատրվանների դիմաց։ Վարորդները պահանջում են իրենց թույլ տալ այդ երեք օրերին մեքենաները նախկին վայրում կայանել, մինչև պատասխան կստանան։ «Եթե երեք օրում չպատասխանեցին, ակցիաները կշարունակենք»,- ասաց նրանք։
Նշվեց, որ քաղաքապետարանը զբոսաշրջային ծառայություններ մատոցող ավտոմքենենարը կայանելու համար առաջարկել է Շահումյանի հրապարակի շրջակայքը, սակայն այդ տարածքն իրենց աշխատանքի համար շահեկայն վայր չէ։