«Նախաստորագրել բառը հերթական «գլուխ հարթուկելու» տերմինոլոգիա է, որի տակ ոչինչ չկա»․ Ռոբերտ Քոչարյան

«Կարո՞ղ եք բացատրել, թե ինչ է նշանակում նախաստորագրություն. ես 10 տարի նախագահ եմ եղել, ստորագրել եմ բազմաթիվ պայմանագրեր, երբեք չի եղել նախաստորագրելու տարբերակը»,- այս մասին այսօր «5-րդ ալիքին» տված հարցազրույցում նշեց Երկրորդ նախագահ Ռոբերտ Քոչարյանը՝ անդրադառնալով խաղաղության պայմանագրի հնարավոր նախաստորագրմանը։

«Եթե տարաձայնությունները շատ են, չկա ստորագրելու պայմանագիր։ Եթե խոսում են նախաստորագրման մասին, ուրեմն ենթադրաբար մինչև ընտրությունները մի թուղթ են տալու, որը որևէ իրավական հետևանք չի կարող ունենալ և որևէ պարտավորություն չի նշանակում։ Նախաստորագրել բառը հերթական «գլուխ հարթուկելու» տերմինոլոգիա է, որի տակ ոչինչ չկա։ Իրեն հարգող մարդը չի կարող այդ տերմինաբանությունը լուրջ ընդունել»,- նշեց Քոչարյանը։