Չորեքշաբթի, 13 օգոստոսի, 2025 թ.
|
Ստեփանակերտում`   +20 °C

««Նոբելյան» նոր մրցանակ սահմանեք «ճշմարտությունը ուրացողների, ճարպիկ խեղաթյուրողների համար» երկրի հակառակ կողմից». Նարինե Դիլբարյան

««Նոբելյան» նոր մրցանակ սահմանեք «ճշմարտությունը ուրացողների, ճարպիկ խեղաթյուրողների համար» երկրի հակառակ կողմից». Նարինե Դիլբարյան
100
Այսօր, 01:06

ԵՊՀ Հայոց լեզվի պատմության ամբիոնի դոցենտ Նարինե Դիլբարյանի ֆեյսբուքյան գրառումը. «Հասունացել է ժամանակը «նոբելյան» նոր մրցանակ սահմանելու «ճշմարտությունը բացառիկ ուրացողների, ճարպիկ խեղաթյուրողների համար» երկրի հակառակ կողմից։ Մեջբերեմ երկու հոդված նախաստորագրված Ալիեւ-Փաշինյան խաղաղության համաձայնագրից։ Հուզիչ է։ Հայկական կողմը ներկայացնողների ծրագրված բացառիկ մոռացումը առկա իրականության, բռնազավթված Արցախում եւ ՀՀ բռնակցված տարածքներում գործված ու գործվող հանցագործությունների, ալիեւի բանտերում խոշտանգվող մեր գերյալ պատանդների եւ դրան համահունչ ադրբեջանական կողմի հաղթական ցինիզմը. «ՀՈԴՎԱԾ VIII
Կողմերը դատապարտում են և կպայքարեն անհանդուրժողականության, ռասսայական ատելության և խտրականության, անջատողականության, բռնի ծայրահեղականության և ահաբեկչության դեմ՝ դրանց բոլոր դրսևորումներով՝ յուրաքանչյուրն իր իրավազորության շրջանակներում և կապահովեն իրենց նկատմամբ կիրառելի միջազգային պարտավորությունների կատարումը։
ՀՈԴՎԱԾ IX
Կողմերը պարտավորվում են հասցեագրել երկու Կողմերի ներգրավմամբ զինված հակամարտությունում անհայտ կորած անձանց և բռնի անհետացումների դեպքերը, այդ թվում՝ ուղղակիորեն կամ հարկ եղած դեպքում համապատասխան միջազգային կազմակերպությունների հետ համագործակցությամբ այդ անձանց վերաբերյալ առկա բոլոր տեղեկությունների փոխանակման միջոցով: Սույնով Կողմերը ճանաչում են այդ անձանց ճակատագրերի բացահայտման, այդ թվում՝ մասունքների որոնման և ըստ պատշաճի վերադարձման, պատշաճ քննության միջոցով այդ անձանց առնչությամբ արդարադատության իրականացման կարևորությունը՝ որպես հաշտեցման և վստահության ամրապնդման միջոց: Այս առնչությամբ համապատասխան կարգավորումները կբանակցվեն և մանրամասն կհամաձայնեցվեն առանձին համաձայնագրով»»:

Աղբյուրը`   Նարինե Դիլբարյան

Կարդացե՛ք նաև