«Փաստաթուղթը ոչ մի կապ չունի իրական խաղաղության հետ». Արծվիկ Մինասյան

ԱԺ ընդդիմադիր խմբակցության պատգամավոր Արծվիկ Մինասյանն «Ազատության» եթերում անդրադառնալով վաշինգթոնյան համաձայնագրին ասել է, որ այն փաստաթուղթ է՝ Ալիևի ախորժակը բավարարելու և ՀՀ իշխանության վերարտադրության համար հիմքեր ստեղծելու: «Փաստաթուղթը ոչ մի կապ չունի իրական խաղաղության հետ, խաղաղություն, որը կլինի կայուն, հարատև ու կունենա բավարար չափով երաշխիքներ: Այս թղթում որևէ մեկը չի կարող ցույց տալ, թե հայկական շահն ի վերջո ո՞րն է, որևէ տեղ դրական բան կա՞, թե՞ չկա»,- նշել է Մինասյանը՝ հավելելով, որ բազմաթիվ միջազգային փաստաթղթեր Ադրբեջանը խախտել է: Դիտարկմանը՝ նոյեմբերի 9-ի փաստաթղթի տակ միջազգային երաշխավորի տեսել ենք, բայց գոնե մեկ կետ այդպես էլ չիրականացվեց՝ բացի ՀՀ պարտավորություններից, Մինասյանն ասել է. «Նշանակում է վատ փաստաթուղթ էր, ու եթե երաշխավորը չի կատարել իր պարտավորությունը, նշանակում է՝ էնպիսի մեխանիզմ չես դրել, որ կարողանա կատարել: Իսկ սրա մեջ կա՞ էդպիսի մեխանիզմ, չկա՛. ո՞վ է այս փաստաթղթի անխոչընդոտ իրականացման երաշխավորը, ու երկրորդ, ՀՀ-ն ինչպե՞ս պետք է իր իրավունքները պաշտպանի»: