«Իշխանությունն ամեն ինչ անում է, որ ազատ խոսքը մահանա և ընդդիմադիր խոսքը որևէ դեր չունենա»․ Տիգրան Աբրահամյան

«Իշխանությունը փորձում է ամենակոշտ միջոցներով հարձակման ենթարկել այն անձանց, ովքեր իշխանության մոտեցումներին հակասող մոտեցումներ են արտահայտում»,- այս մասին Հակակոռուպցիոն դատարանի բակում լրագրողների հետ զրույցում նշեց պատգամավոր Տիգրան Աբրահամյանը՝ հավելելով, որ Սամվել Կարապետյանի նկատմամբ իրականացվող գործընթացը ոչ թե իրավական է, այլ քաղաքական։
«Ով որոշակի կշիռ է ներկայացնում, իշխանությունը դա դիտարկում է որպես վտանգավորություն կամ սպառնալիք և զբաղվում է հետապնդումներով»,- նշեց Աբրահամյանը՝ հավելելով, որ քաղաքական հետապնդումների ենթարկվող մարդիկ պետք է արժանանան հայաստանյան հասարակության աջկցությանը։
«Իշխանությունն ամեն ինչ անում է, որ Հայաստանում ազատ խոսքը մահանա և ընդդիմադիր խոսքը որևէ դեր կամ արժեք չունենա»,- ընդգծեց պատգամավորը։