«Գործուն պայմանագիր կնքելու համար ՀՀ-ն պետք է ունենա ուժերի բալանս»․ «ՀայաՔվե»

«ՀայաՔվե»-ի թելեգրամյան գրառումը․ «Այս ընթացքում Ադրբեջանն իր ստանձնած պարտավորություններից որևէ մեկը չի իրականացրել: Եվ դա շատ պարզ բացատրություն ունի։ Նախ, թուրք-ադրբեջանական մոտեցումն այդպիսին է, պատմության մեջ նրանք երբևէ իրենց խոսքը չեն պահել։

Օրինակ, Սևրի պայմանագիրը կնքվել է սուլթանական կառավարության հետ, և դրանից տառացիորեն մեկուկես ամիս հետո Թուրքիայի մեկ այլ՝ չճանաչված, քեմալական կառավարությունը խախտել է այն, վիժեցրել դրա կատարումը և ներխուժել Արևելյան Հայաստան:

Բացի այդ, որպեսզի Հայաստանը կարողանա թուրք-ադրբեջանական տանդեմի և հատկապես դրա չերևացող կողմի՝ Թուրքիայի հետ որևէ գործուն պայմանագիր կնքել, պետք է ունենա ուժերի համապատասխան բալանս, որը թույլ չի տա նրանց խախտել պայմանավորվածությունները»։