«Հանդիպումն ունի շրջադարձային նշանակություն»․ Գարիկ Քեռյան

Քաղաքագետ Գարիկ Քեռյանի ֆեյսբուքյան գրառումը. «Եվ այսպես՝ Ալյասկայում հանդիպում են միջուկային երկու գերհզոր տերությունների ղեկավարները: Անկախ բանակցությունների արդյունքներից, հանդիպումն ունի շրջադարձային նշանակություն նոր աշխարհակարգի ձևավորման համար: Այժմ անհրաժեշտ է արձանագրել, թերևս, շատ կարևոր մի իրողություն: Ուկրաինական պատերազմի ընթացքում Ռուսաստանը մեկուսացնելու և դրակոնյան պատժամիջոցներով ծնկի բերելու Ջո Բայդենի, Մակրոնի, Շոլցի և Բորիս Ջոնսոնի ծրագիրը տապալված է: Անկախ ամեն ինչից, պետք է նշել կրեմլյան դիվանագիտության հաղթանակը, Ռուսաստանը ճեղքեց մեկուսացման օղակը, այնպիսի հսկաներ ինչպիսինն են Չինաստանը, Հնդկաստանը, Բրազիլիան, տարածաշրջանային մոտ հարևաններ Թուրքիան և Իրանը չմիացան պատժամիջոցներին: Շարունակվեց Շանհայան կազմակերպության և ԲՐԻԿՍ-ի գործունեությունը, որոնք նույնիսկ ընդլայնվեցին: Եվ ահա շրջադարձային ճեղքումը. Պուտին-Թրամփ հանդիպումը: Մինչդեռ Հայաստանի արևմտամետ «քաղաքագիտունների» մարտական փորձանքագետները, մոտ երեք ու կես տարի ցնցում էին հանրությանը մեկ ու կես ամսում Ռուսաստանի ջախջախման և փլուզման մասին իրենց մարգարեական կանխատեսումներով: Մեկը գրում էր ռուսական խորտակվող նավի, մյուսը հայտարարում էր ուկրաինական բանակի կողմից ռուսական ծնոտը ջարդելու, մյուսը այսօր վերլուծական էր գրել՝ «գրողի ծոցն» ուղարկելով ԵԱՏՄ-ին և այլ մտքի գոհարներ , որոնք «ալեկոծում» են մեդիա դաշտը: Ես պատկերացնում եմ ինչ ընկճախտի մեջ է հիմա Զելենսկին և նրա եվրոպական հովանավորներ՝ Մակրոն-Մերց - Սթարմեր եռյակը»: