«Իրանի համար Հայաստանի հետ հարաբերությունները ռազմավարական նշանակության են»․ Ալի Լարիջանի

193

Շաբաթ, 16 օգոստոսի, 2025 թ., 13:24

ՀՀ Անվտանգության խորհուրդը հայտնում է, որ օգոստոսի 16-ին ԱԽ քարտուղար Արմեն Գրիգորյանը հեռախոսազրույց է ունեցել Իրանի Իսլամական Հանրապետության ազգային անվտանգության գերագույն խորհրդի քարտուղար Ալի Լարիջանիի հետ: ԱԽ քարտուղարն ասել է, որ ՀՀ-ի և ԻԻՀ-ի միջև հաստատված են ինստիտուցիոնալ կապեր և վստահություն հայտնել, որ գործող պայմանավորվածությունների իրագործումը կշարունակվի, իսկ համագործակցության նոր ուղղությունները մոտ ապագայում կնախանշվեն:
Ա.Լարիջանին նշել է, որ Իրանի համար Հայաստանի հետ հարաբերությունները ռազմավարական նշանակության են: Հավելել է նաև, որ Հայաստան-Իրան երկկողմ համագործակցությունը միշտ դրական արդյունք է ունեցել, և որ պատրաստ է իր ներդրումն ունենալ բազմաոլորտ համագործակցության շրջանակներում:
Հեռախոսազանգի վերջում ԻԻՀ ազգային անվտանգության գերագույն խորհրդի քարտուղարն Ա.Գրիգորյանին հրավիրել է Իրան։

Աղբյուրը` ՀՀ Անվտանգության խորհուրդ