«Բացառված չէ, որ եվրոպացիներն ուզում են Զելենսկուն հնարավորինս թանկ «վաճառել» Թրամփի վրա»․ Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը․ «Ի՞նչ է անելու Զելենսկին Վաշինգտոնում: Կամ փորձելու է համոզել Թրամփին, որ պետք չէ ընդունել ուկրաինական հարցում Պուտինի պայմանները, կամ ինքը պետք է ընդունի այդ պայմանները եւ գտնի դրանց իրականացման ձեւերը: Բայց, առավել էական հարցը գուցե այն է, թե ինչ է անելու Թրամփը:

Նա վերջնագիր կներկայացնի՞ Զելենսկուն: Դա գուցե տարբերակներից մեկն է: Հնարավոր է, որ պարզապես լվանա ձեռքերը՝ Զելենսկուն թողնելով Եվրոպայի հետ: Բայց, Եվրոպան կուզի՞ մնալ Զելենսկու հետ:

ԵՄ առաջնորդող երկրներն ու Մեծ Բրիտանիան տարածել են հայտարարություն, որը եթե «վերծանենք», ապա այն մասին է, որ Զելենսկին չպետք է տեղի տա:

Բայց, բոլորովին բացառված չէ, որ եվրոպացիները պարզապես ուզում են Զելենսկուն հնարավորինս թանկ «վաճառել» Թրամփի վրա»: