Կիրակի, 17 օգոստոսի, 2025 թ.
|
Ստեփանակերտում`   +18 °C

«Վերջին 200 տարում Հայաստանի համար ճակատագրական է եղել 2 պետություններ». Թաթուլ Հակոբյան

«Վերջին 200 տարում Հայաստանի համար ճակատագրական է եղել 2 պետություններ». Թաթուլ Հակոբյան
134
Այսօր, 20:06

Լրագրող Թաթուլ Հակոբյանի ֆեյսբուքյան գրառումը․ «Մեր պատմության վերջին երկու հարյուր տարիներին Հայաստանի և հայ ժողովրդի համար ճակատագրական են եղել երկու պետություններ՝ Օսմանյան կայսրությունը/Թուրքիան և Ռոմանովների Ռուսաստանը/ԽՍՀՄ/արդի Ռուսաստանը:
Ցավոք, հայ քաղաքական միտքը գերազանցապես հակված է եղել «հավերժ բարեկամ, հավերժ թշնամի» կոնցեպտին, որի դեպքում դիվանագիտությունը դարձել է անիմաստ:
Եթե կա հավերժ բարեկամ, ապա էլ ինչ դիվանագիտություն:
Եթե կա հավերժ թշնամի, ապա էլ ինչ դիվանագիտություն:
Խոսքը հայ-ռուսական բարեկամական հարաբերությունների անցյալի և ոչ էլ Հայոց ցեղասպանության մասին չէ: Խոսքը դիվանագիտության մասին է:
Այսօր պետք չէ մանկամտորեն ոգևորվել Դոնալդ Թրամփի նման առևտրականի խոսքերով:
Մենք կարիք ունենք մեր կողմից վերանորոգել Հայաստան-Ռուսաստան հարաբերությունները և Հայաստան-Թուրքիա հարաբերությունները:
Հասկանալի է, որ շատ բան մեզանից չէ կածված, բայց մենք պետք է անենք մեզնից կախված հնարավորը:
Անցել են Օզալի ու Դեմիրելի և Ելցինի ժամանակները: Եկել են նոր առաջնորդներ, ինչպիսին են Էրդողանն ու Պուտինը:
Հարվածներ ստանալուց հետո անիմաստ է մեղադրել թուրքին և ռուսին:
Եվ, ընդհանրապես, միշտ հեշտ է մեղավոր գտնելը, հատկապես, երբ անցյալի պատմությունը դրա համար տվել է պատճառներ»:

Աղբյուրը`   Թաթուլ Հակոբյան