«Թրամփն աջակցել է Պուտինի՝ Դոնբասում վերահսկողություն սահմանելու վերաբերյալ առաջարկին»․ դիվանագետ

Դոնալդ Թրամփը աջակցում է Պուտինի առաջարկին, որի համաձայն՝ Մոսկվան պետք է լիակատար վերահսկողություն հաստատի Դոնբասի նկատմամբ՝ Ուկրաինայի հետ խաղաղության համաձայնագրի հասնելու համար։ Այս մասին Fox News-ին հայտնել է անանուն եվրոպացի դիվանագետ։

Fox News-ի փոխանցմամբ՝ դրա դիմաց Ռուսաստանը պետք է սառեցնի առաջնագիծը այլ տարածքներում։ Ավելի վաղ Reuters-ը հրապարակել էր Պուտինի պայմանները հակամարտության խաղաղ կարգավորման համար, որոնք նա, իբր, առաջ է քաշել Ալյասկայում կայացած հանդիպման ժամանակ։ Դրանց համաձայն՝ Մոսկվան առաջարկել է հետևյալ կետերը՝

— Հրադադար չի նախատեսվում մինչև համապարփակ խաղաղության համաձայնագրի կնքումը։

— Ուկրաինան պետք է դուրս բերի իր զորքերը ԴԺՀ և ԼԺՀ տարածքներից՝ Խերսոնի և Զապորոժիեի մարզերում առաջնագծի սառեցման դիմաց։ Ռուսաստանը նաև պատրաստ է լքել Սումիի մարզի տարածքները։

— Ուկրաինային կարգելվի անդամակցել ՆԱՏՕ-ին։ Մոսկվան նրան կտրամադրի անվտանգության երաշխիքներ։

— Հակառուսական պատժամիջոցների մասնակի վերացում։

— Ռուսերենի պաշտոնական կարգավիճակ մի շարք շրջաններում կամ ամբողջ Ուկրաինայում, Ռուս ուղղափառ եկեղեցու իրավունքի ազատ իրագործում ամբողջ երկրում։

— Առնվազն՝ Ղրիմի նկատմամբ Ռուսաստանի ինքնիշխանության պաշտոնական ճանաչում»։