Իսրայելը հայտարարել է ՀԱՄԱՍ-ի դեմ գործողությունների հաջորդ փուլի մասին

Իսրայելի պաշտպանության ուժերը (ԻՊՈւ) անցնում են Գազայի հատվածում պաղեստինյան ՀԱՄԱՍ-ի շարժման դեմ ուղղված «Գիդեոնի կառքը» գործողության հաջորդ փուլին, գործողությունը «հասել է իր նպատակներին», - ասել է ԻՊՈւ շտաբի պետ Էյալ Զամիրը։
Մայիսի 18-ին Իսրայելի պաշտպանության ուժերը սկսել են լայնածավալ ցամաքային գործողություններ Գազայի հատվածում՝ «Գիդեոնի կառքերը» գործողության շրջանակներում, որի նպատակն է պաղեստինյան ՀԱՄԱՍ-ի շարժման վերջնական ջախջախումը։ Միջազգային կազմակերպությունները և մի շարք ԵՄ երկրներ զգուշացնում են Գազայի հատվածում հումանիտար աղետի և սովի մասին՝ Իսրայելի իշխանությունների կողմից անհրաժեշտ քանակությամբ մարդասիրական օգնություն թույլ չտալու պատճառով։
«Մենք շուտով կանցնենք «Գիդեոնի կառքը» գործողության հաջորդ փուլին, որի շրջանակներում մենք կշարունակենք հարվածել ՀԱՄԱՍ-ին մինչև նրանց վերջնական ջախջախումը։ «Գիդեոնի կառքը» գործողությունը հասել է իր նպատակներին։ Համասը այլևս չունի նույն հնարավորությունները, ինչ նախկինում», - ասել է Զամիրը հայտարարության մեջ։ Հայտարարության տեքստը հրապարակվել է բանակի Telegram ալիքում։