«Պետբյուջեից միլիոններ եք ստանում, մի կայք չեք կարողանում աշխատեցնել»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Պետբյուջեից հարյուրավոր միլիոններ եք ստանում, մի կայք չեք կարողանում աշխատեցնել։
Տավուշի մարզպետ Հայկ Ղալումյանին հարցում եմ արել՝ Տավուշի մարզպետարանի պաշտոնական կայքի «Տեղեկատվական» բաժնի «Նորություններ» ենթաբաժնում հունիսի 26-ից մինչև օգոստոսի 13-ը, ավելի քան մեկուկես ամսում ոչ մի լուր, տեղեկատվություն չի տեղադրվել։ Ի՞նչն է դրա պատճառը։
Տավուշի մարզպետարանից պատասխանել են․ «ՀՀ Տավուշի մարզպետի աշխատակազմի պաշտոնական կայքի «Տեղեկատվական» բաժնի «Նորություններ» ենթաբաժնում տեղեկատվություն չտեղադրվելը պայմանավորված է տեխնիկական խնդիրների պատճառով»։ Տավուշի մարզպետարանը պետական բյուջեից տարեկան հարյուրավոր միլիոն դրամների ֆինանսավորում է ստանում, այդ թվում՝ մեծ պարգևավճարներ, սակայն ինտերնետային մի կայք չեն կարողանում անխափան աշխատեցնել»։