Մակրոնն առաջարկել է Ռուսաստանի հետ հանդիպում անցկացնել Եվրոպայի մասնակցությամբ

Ֆրանսիայի նախագահ Էմանուել Մակրոնը կողմ է արտահայտվել քառակողմ հանդիպում կազմակերպելուն, որին կարող են մասնակցել Ռուսաստանը, եվրոպական երկրները, Ամերիկայի Միացյալ Նահանգները (ԱՄՆ) և Ուկրաինան։ Նա այս մասին ասել է ԱՄՆ-ի առաջնորդ Դոնալդ Թրամփի հետ զրույցի ժամանակ։

Միևնույն ժամանակ, Ֆրանսիայի առաջնորդը կարևոր է որակել Ռուսաստանի, Ուկրաինայի և ԱՄՆ-ի միջև հնարավոր եռակողմ հանդիպումը։ Բացի այդ, որպես ուկրաինական հակամարտության կարգավորման գործընթացի շարունակություն՝ Մակրոնը նշել է նման հանդիպման անհրաժեշտությունը, բայց՝ Եվրոպայի մասնակցությամբ։

«Անհրաժեշտ կլինի անցկացնել քառակողմ հանդիպում, քանի որ երբ մենք խոսում ենք անվտանգության երաշխիքների մասին, մենք խոսում ենք ամբողջ եվրոպական մայրցամաքի անվտանգության մասին»,- ասել է Մակրոնը։