Նախարարություններ կմիավորվեն․ «Հրապարակ»

«Հրապարակ»-ը գրում է. «Իշխանական կուլիսներում խոսում են, որ Արսեն Թորոսյանը շուտով նաև մեգանախարար կդառնա, հայտնի է, որ Փաշինյանը նրան խորհրդարանից տեղափոխում է իր մոտ՝ սոցապնախարարի պաշտոնում, որի ղեկավար Նարեկ Մկրտչյանին էլ դեսպանի կարգավիճակով կգործուղի ԱՄՆ։

Խոսվում է, որ 2026 թվականի ընտրություններից հետո միավորվելու են սոցապնախարարությունն ու առողջապահության նախարարությունը, և Արսեն Թորոսյանն էլ նշանակվելու է մեգանախարարության ղեկավար։

Հիշեցնենք, որ գործադիր իշխանության նախկին ղեկավարներից ոմանք պարբերաբար հայտնել են նման ցանկություն, սակայն դա տեղի է ունեցել միայն 2000 թվականին, երկու նախարարությունների միավորումից հետո գերատեսչության ղեկավար է նշանակվել Արարատ Մկրտչյանը, բայց ամիսներ անց կրկին հետողորմյա է արվել, քանի որ թե՛ առողջապահության, թե՛ սոցապահովության ոլորտները բավականին խնդրահարույց են ու ընդգրկուն։ Այս լուրերում, սակայն, առավել ուշագրավն այն է, որ, փաստորեն, Փաշինյանը կասկած չունի, որ 2026 թվականին վերընտրվելու է, ու արդեն նման պլաններ է գծում»։