«Քաղաքական դասն ու ժողովուրդը պետք է համարժեք արձագանքեն` ճնշում բանեցնելով իշխանության վրա»․ «ՀայաՔվե»

«ՀայաՔվե»-ի թելեգրամյան գրառումը․ «Այս իշխանությանն օրինական ճանապարհով հեռացնելու երեք տարբերակ կա՝ ընտրություններ, անվստահություն և հրաժարական։ Հրաժարականը գրեթե բացառվում է, Փաշինյանն այդ քայլին կգնա միայն բռնի պայմաններում։ Մնում են կա՛մ անվստահությունը, կա՛մ ընտրությունները՝ հերթական կամ արտահերթ։

Ընդ որում, արտահերթ ընտրություններ Փաշինյանը կնշանակի այն դեպքում, երբ իմանա, որ 100 %-ով հաղթելու է, կամ էլ լինի համապատասխան հասարակական ճնշում։

«Խաղաղության պայմանագրի» տեքստն արդեն հրապարակվել է, մարդիկ տեսնում են, որ Սյունիքով միջանցք բացելու խնդիրն Ալիևը լուծել է, Մինսկի խումբը լուծարվում է: Հետևաբար, քաղաքական դասն ու ժողովուրդը պետք է համարժեք արձագանքեն՝ հանրային ճնշում բանեցնելով իշխանության վրա»: