«Ռուբեն Հակոբյանի գործով դատավորը լինելու է «թմբուկ խփող» Դավիթ Արղամանյանը»․ Սամվել Հակոբյան

«Հայրս հիմա ավելի լավ է իրեն զգում, ասեց, որ կարողացել է քնել, ինչը մեծ ձեռքբերում է»․- «Պոլիտիկ»-ի եթերում այս մասին հայտնեց ԱԺ նախկին պատգամավոր Ռուբեն Հակոբյանի որդին՝ Երևանի ավագանու ընդդիմադի անդամ Սամվել Հակոբյանը։
Հիշեցնենք՝ Ռուբեն Հակոբյանը առողջական խնդիրներ էր ունեցել կալանավայրում, նրան հիվանդանոց չէին տեղափոխել՝ նշելով, որ լուրջ խնդիրներ չկան, կարող է դեղերն այնտեղ ընդունել։
«Հայրս բացի հոգեբանական ճնշումների, ունի առողջական խնդիրներ, 70 տարեկան մարդը գտնվում է մի խցում, որտեղ չկան տարրական պայմաններ»,- ասում է Հակոբյանը՝ նշելով, որ մինչ այս Ռուբեն Հակոբյանը լուրջ առողջական խնդիրներ չի ունեցել, այժմ գումարվել է նաև անքնությունը։ «Հայաստանում արդարադատություն չկա․․․հորս առաջին դատական նիստը լինելու է օգոստոսի 27-ին՝ ժամը 14։00-ին։ Տեղեկացա, որ դատավորը լինելու է Դավիթ Արղամանյանը, ով 2018-ի «դըմփ-դըմփ հու»-ի թմբուկ խփողն է»,- ասում է Հակոբյանը։