«Հրատապ իշխանափոխության դեպքում Ադրբեջանը Սյունիքով ճանապարհ չի ստանա»․ «ՀայաՔվե»

«ՀայաՔվե»-ի թելեգրամյան գրառումը․ «ԱՄՆ-ի և Հայաստանի միջև կնքված և տրանսպորտային ենթակառուցվածքներին վերաբերող հուշագիրն առայսօր հրապարակված չէ: Ակնհայտ է, որ դրա հրապարակումը պայթեցնելու է հերթական փաշինյանական փուչիկը:

Թրամփի և Փաշինյանի միջև կնքված այդ փաստաթղթի գաղտնազերծման արդյունքում լուրջ բացահայտումներ են լինելու: Հերթական անգամ ապացուցվելու է, որ գեղեցիկ խոսքերի հետևում՝ փաթեթավորված հենց միջանցք է հանձնվում:

Այն կարող է երբևէ իրականություն չդառնալ այն ձևով, որով այսօր ներկայացվում է: Շատ բան հարցական է, խոստացվող ներդրումները կարող են պարզապես չլինել: Հրատապ իշխանափոխության դեպքում Ադրբեջանը դեպի Նախիջևան Սյունիքով ոչ մի անխոչընդոտ ճանապարհ էլ չի ստանա»: