«Իսկապե՞ս դիմադրություն չկա․ կա, ուղղակի երկունքի մեջ է դեռ»․ Հովհաննես Իշխանյան

Հասարակական գործիչ, ռեժիսոր Հովհաննես Իշխանյանը գրում է․ «Ադրբեջանին իսկապես թվում է, թե խաղաղության է հասել, որովհետև ինչ խլում են հայերից, այլևս դիմադրություն չկա: Ադրբեջանի խաղաղությունն է հայերի ստրկացումն ու ամլությունը: Դատական գործերը հետ են կանչում, դիմադրություն չկա։ Սյունիքից տարածք, միջանցք են հանձնում, դիմադրություն չկա։ Հայտարարում են, որ էլի են տարածք տալու, դիմադրություն չկա։ Հայտարարում են, որ ադրբեջանցու համար Հայաստանը «պռախադնոյ դվոռ» է լինելու, դիմադրություն չկա։ Բանակը վերացնում են, դիմադրություն չկա։ Բաքվում պահվող պատանդներին արհամարհում են, դիմադրություն չկա։ Մինսկի խումբը ցրում են, դիմադրություն չկա։ Հայտարարում են, որ Էջմիածինն են վերացնելու, դիմադրություն չկա։ Այսպես չէ՞ր Օսմանյան խաղաղությունը: Հայերին թալանում էին, ճնշում ու երկրորդ սորտի տեղ պահում, և չկար դիմադրություն, իսկը Թուրքական խաղաղության դարաշրջան:
Ադրբեջանի գույնով փողկապ կրող Նիկոլ Փաշինյանին թվում է, թե ինքը ճիշտ է ասում, իսկապես իրենց՝ Ադրբեջանի համար խաղաղություն է հաստատվել. հայ սպան կառավարելի է, ոստիկանն ու բնակիչը կառավարելի են, բոլորը՝ ստրկացված:
Բայց իսկապե՞ս ճիշտ է, իսկապե՞ս դիմադրություն չկա ու հայերին հրաժարվել են ազատությունից: Կա, ուղղակի երկունքի մեջ ա դեռ»: