«Առայսօր պարզ չէ՝ ովքեր են «Զանգեզուրի միջանցքի» ֆինանսավորող կողմերը»․ «ՀայաՔվե»

«ՀայաՔվե»-ի թելեգրամյան գրառումը․ ««Զանգեզուրի միջանցքը» Հայաստանում կառուցելը հեշտ գործ չէ, դա տարիներ է տևելու: Հաշվի առնելով Հայաստանում իշխանափոխության հեռանկարը՝ այն կարող է պարզապես չկառուցվել:

Բացի այդ, անհայտ է՝ ո՞վ է դրանով զբաղվելու, այդ ի՞նչ կոնսորցիում է, ովքե՞ր են ներառված դրանում, ո՞վ է պատրաստ ֆինանսավորելու այս ծրագիրը: Թուրքիան չի կարող ուղղակիորեն դրա կողմը լինել, առավելագույնը՝ ինչ-որ ընկերության միջոցով կարող է միջամտել:

Առայսօր պարզ չէ, թե ովքեր են «միջանցքի» ֆինանսավորող կողմերը: Բացի Թուրքիայից՝ մնացած բոլոր տարածաշրջանային տերությունները՝ ՌԴ-ն, Իրանը և անգամ ԵՄ-ն վերապահումներ են հայտնել «միջանցքի»՝ այս տեսքով բացման հարցում: Օրինակ, Իրանն իր վերապահումներն արտահայտել է ընդգծված կոշտությամբ»: