«Քանի դեռ արցախցիները պատրաստ են պայքարել, Արցախի հակամարտությունը չի կարող համարվել լուծված»․ Իշխան Սաղաթելյան

«Այս խորհրդաժողովն ունի հստակ նպատակ՝ ամրապնդել միջազգային և ներազգային համախմբում մեր իրավունքների պաշտպանության շուրջ, վերադարձնել Արցախի հարցը միջազգային օրակարգ»,- «Արցախ․ չկարգավորված հակամարտություն» միջազգային խորհրդաժողովի ժամանակ ասել է ԱԺ «Հայաստան» խմբակցության պատգամավոր Իշխան Սաղաթելյանը։ Նա ընդգծել է՝ որպեսզի կարողանանք մի օր վերականգնել մեր իրավունքները, այսօր պետք է հնարավոր բոլոր ձևաչափերով խոսենք դրանց մասին։ «Քանի դեռ Ադրբեջանի կողմից ուժի կիրառմամբ և ցեղասպանական գործողություններով բռնի տեղահանված արցախցիները պատրաստակամ են շարունակել իրենց իրավունքների համար պայքարը, Արցախի հակամարտությունը չի կարող համարվել լուծված»,- նշել է նա։