«Եթե ԱՄՆ-ն փորձի ավելորդ քայլեր անել, Իրանից պատասխանը կստանա»․ Էհսան Մոհավեդիա

«Մենք վստահ ենք, որ ԱՄՆ-ն Հայաստան չի գալիս Հայաստանի անվտանգությունը ապահովելու համար, այլ այստեղ է գալիս տարածաշրջանն անկայունացնելու, հետագայում նաև Իրանին, Ռուսաստանին, դրանից ավելի ուշ նաև Չինաստանին վնաս հասցնելու համար։ ԱՄՆ-ն փորձում է այնպիսի իրավիճակ ստեղծել, որ ՀՀ ներսում մարդիկ իրար դեմ դուրս գան»,- լրագրողների հետ զրույցում այս տեսակետն է հայտնել իրանցի միջազգայնագետ Էհսան Մոհավեդիան։

Անդրադառնալով Սյունիքի հարցին՝ միջազգայնագետը նշել է․ «Իրանի համար շարունակում է կարմիր գիծ մնալ Սյունիքի հարցը, Իրանը պատրաստ է անվտանգային երաշխիքներ տալ Հայաստանին։ Եթե ԱՄՆ-ն փորձի ավելորդ քայլեր անել, Իրանից պատասխանը ստանալու է՝ դիվանագիտական, թե ռազմական, կախված է ԱՄՆ-ի քայլերից»։