«Նոր վարչապետի թեկնածուն պետք է ընդունելի լինի բոլոր կողմերի համար». «ՀայաՔվե»

«ՀայաՔվե»-ի թելեգրամյան գրառումը․ «Իմպիչմենթի սցենարի դեպքում նոր վարչապետի թեկնածուն պետք է ընդունելի լինի բոլոր կողմերի համար:

Նա պետք է մեծ փորձառություն ունենա և վստահելի լինի, քանի որ բախվելու է Ադրբեջանին, Թուրքիային և բազմաթիվ աշխարհաքաղաքական գործոնների: Լավ կլինի, որ նա փորձառու գործիչ լինի, դրա համար երիտասարդ սերնդի քաղաքական գործիչները չպետք է հավակնեն այդ դերին, իսկ ավագ սերնդի մեջ նման թեկնածուներ կան:

Երիտասարդ, նոր քաղաքական ուժերն արդեն պետք է մասնակցեն խորհրդարանական ընտրություններին և ունենան երկիրը հինգ տարով ղեկավարելու պատրաստ վարչապետի թեկնածու»։