«Հայ զինվորին մենակ ու լքված չթողնեք»․ Մհեր Հակոբյան

Ռազմական հարցերով վերլուծաբան Մհեր Հակոբյանի ֆեյսբուքյան գրառումը․ «Մտածում եմ և… վախենում եմ:
Վախենում եմ, որ սահմանին կանգնած Հայ զինվորը հանկարծ մենակ կմնա՝ չպաշտպանված թիկունքից և չունենալով բավարար ապահովում, բայց վրան կախված քրեական հետապնդման վտանգը կամ գերությունը, նա հանկարծ… ՄԵՆԱԿ ԿՄՆԱ: Ով ծառայել է՝ կհասկանա – զինվորի մենակությունը, մեղմ ասած, ԼԱՎ ԲԱՆ ՉԷ և, եթե սա ձեզ կարող է ծիծաղելի թվալ այստեղ՝ քաղաքացիական կյանքում, այնտեղ՝ հրամանի տակ գտնվող ու զորանցում փակված զինվորի համար այն կարող է իրոք վախենալու լինել: Մենակ մնացած զինվորը լավ բան չէ:
Գիտեմ, որ չեն լսի, իսկ շատերն էլ կծիծաղեն, գիտեմ, որ… երևի չեն անի, դրա համար ասածս խորապես հասկանալ է պետք, բայց.
ԽՆԴՐՈՒՄ ԵՄ, ու հատկապես իշխանավորներին,
սահմանին կանգնած Հայ զինվորին ՄԵՆԱԿ, լքված ու անտեր չթողնեք, իրենից միայն չպահանջեք, իրեն նաև տվեք՝ հետո նոր պահանջեք, իրեն թիկունք կանգնեք, իրեն ուժ տվեք և իրենից նոր միայն ուժեղ լինել պահանջեք:
Զինվորին ՄԵՆԱԿ ՉԹՈՂՆԵՔ! Սահմանին մենակ մնացած զինվորը լավ բան չէ…»։