«Առաջարկում եմ հանել հարցը օրակարգից», «ո՛չ, դարձրեք զեկուցվող». իրավիճակը՝ քաղաքապետարանում

«Հանրապետությունից» Անի Խաչատրյանն առաջարկեց օրակարգի 13-րդ հարցը հանել օրակարգից, հետո հարցի շուրջ քննարկում կազմակերպել: Նշենք, որ այն վերաբերում էր Նոր Նորքի Գայի պողոտա 45/6 բազմաբնակարան շենքի կառուցմանը նախնական համաձայնություն տրամադրելուն: Տիգրան Ավինյանն ասաց՝ ընդունում է առաջարկը, հանում է հարցը: Ընդդիմադիր Մանուկ Սուքիասյանը հակադարձեց՝ առաջարկելով չհանել օրակարգից ու դարձնել զեկուցվող: Ավինյանն արձագանքեց. «Մեր՝ քննարկումից հանելուց, ընդունելուց, շատ բան չի փոխվում, բայց կարող ենք քննարկել, բայց արդեն հանել ենք օրակարգից: Էսօր ունենալու ենք մտքերի փոխանակություն, կարող ենք լսել միմյանց՝ հարցի շուրջ»: