«Վաշինգթոնում ստորագրված փաստաթուղթը ո՞նց է ազդել ՀՀ-ի ռիսկայնության աստիճանի վրա». Բաբկեն Թունյանը՝ Մարտին Գալստյանին

«Օգոստոսի 8-ին, երբ Վաշինգթոնում ստորագրվեցին համապատասխան փաստաթղթերը, ակնկալիքներ կային, որ ՀՀ-ի ռիսկայնության մակարդակը միջազգային ներդրողների մոտ կնվազի և վստահությունը մեր երկրի նկատմամբ կբարձրանա: Որպես Կենտրոնական բանկ, որը հետևում է այս պրոցեսներին, ձեր գնահատականն ինչպիսի՞ն է: Վերջին իրադարձությունները ո՞նց են ազդել ՀՀ-ի ռիսկայնության աստիճանի վրա և ապագայում, եթե պրոցեսներն ընթանան այնպես, ինչպես նախատեսվում է, դա ի՞նչ էֆեկտի կարող է բերել»,- ԱԺ նիստում ԿԲ նախագահ Մարտին Գալստյանին հարց ուղղեց ՔՊ-ական պատգամավոր Բաբկեն Թունյանը:

Մարտին Գալստյանը նշեց, որ արձագանքները դրական են: «Ես կարծում եմ, որ Խաղաղության պայմանագրի վերջնական ստորագրման պարագայում մենք կունենանք շատ ավելի մեծ ու էական ազդեցություն թե՛ ռիսկի հավելավճարի նվազման, թե՛ ներդրումների հոսքի տեսանկյունից, որովհետև հիմա դեռ որոշ անորոշություններ կան»,- ընդգծեց ԿԲ նախագահը: