«Իմ գործընկերոջն ինչ կոչ որ պետք է անեմ, ես իրեն առանձին արել եմ». Զարուհի Բաթոյան

ՔՊ-ական պատգամավոր Զարուհի Բաթոյանից լրագրողները հետաքրքրվել են՝ ինչպե՞ս է վերաբերվում իր գործընկեր Արթուր Հովհաննիսյանի պահվածքին, ով վիրավորել էր ընդդիմադիր պատգամավոր Թագուհի Թովմասյանին։ «Վատ եմ վերաբերում։ Իմ գործընկերոջն ինչ կոչ որ պետք է անեմ, ես իրեն առանձին արել եմ, բայց երկուսի ասածին էլ վատ եմ վերաբերվում»,- նշել է պատգամավորը։

«Ուզում եմ խոսել նաև տիկին Թովմասյանի արտահայտության մասին, որովհետև, երբ մենք թիրախավորում ենք օրինակ թմրանյութեր օգտագործած անձին... ո՞վ է թմրանյութ օգտագործող անձը՝ առողջական խնդիր ունեցող անձն է, մարդ, ով ունի կախվածություն, հետևաբար, ինձ համար անընդունելի է, որ մարդու իրավունքների պաշտպանության հանձնաժողովի անդամը կարող է թիրախավորել որևէ անձի ու նաև կարծրատիպեր վերարտադրել»,- ասել է Բաթոյանը։