«Կաթողիկոսը պետք է իր գործն այնքան լավ աներ, որ ժողովուրդն արհավիրքի չհասներ»․ Դավիթ Կարապետյան

ԱԺ «Քաղաքացիական պայմանագիր» խմբակցության պատգամավոր Դավիթ Կարապետյանը «24Նյուզ»-ի հետ զրույցում խոսելով Փաշինյանի՝ Կաթողիկոսին հեռացնելու մտադրության մասին՝ նշեց, որ դա ճիշտ է համարում․ «Ինձ համար ընդունելի է, որ ՀՀ-ն պետք է ունենա իրապես աստվածահաճո հոգևոր առաջնորդ․․․ Կաթողիկոսը քաղաքականությամբ զբաղվելու իրավունք չունի»։

«Կաթողիկոսը նախ պետք է իր գործն այնքան լավ աներ, որ ժողովուրդը արհավիրքի չհասներ, Աստծո հետ կապը պետք է ուժեղ լիներ, Կաթողիկոսի գործոնը շատ կարևոր է, գուցեև դրա շնորհիվ չհասնեինք այդտեղ․․․ Կաթողիկոսը պետք է ժողովրդի հավատքն առ Աստված ավելի բարձրացնելով զբաղվեր»,- նշեց Կարապետյանը՝ ակնարկելով 44-օրյա պատերազմի ժամանակահատվածը։ Անդրադառնալով հարցին՝ եթե հավատքը բարձրանար, չէի՞նք պարտվի, Կարապետյանն արձագանքեց․ «Մեր ժողովուրդը առ Աստված հավատքը պակասեցնելու արդյունքում արհավիրքների մեջ է ընկնում»։