«Նազարյան Գեղամը դարձել է Փաշինյանի ամենաուժեղ միկրոֆոններից մեկը»․ Շիրազ Խաչատրյան

«Հենակետ» ՀԿ-ի փորձագետ Շիրազ Խաչատրյանի ֆեյսբուքյան գրառումը․ «Ցավով եմ արձանագրում, բայց Նազարյան Գեղամը հիմա դարձել է Փաշինյանի ամենաուժեղ միկրոֆոններից մեկը․ նույնիսկ ամենահավատարիմ քպ-ականներն այս աստիճան նվիրվածությամբ ու ագրեսիվությամբ չեն կրկնում Նիկոլի թեզերն ու առաջ տարած օրակարգը, ինչ անում է Գեղամը:
Տպավորություն ունեմ, որ դուրս է եկել նախընտրական ռազմինկայի ու արագ տեմպերով փորձում է ապացուցել, որ ավելի քպ-ական է, քան ՔՊ-ի ներսում շատ եղածները։
Վերջին շրջանում նրա ասելիքները, իսկ երեկվա «Եվրոմեդիայի» եթերով նրա խայտառակ հարցազրույցը միայն խոսում է իր կողմից նվիրումով Փաշինյանի օրակարգի սպասարկման մասին:
Չեմ ուզում դետալային անդրադառնալ նրա ասելիքի թեզերին, բայց, որ հրապարակավ հայտարարում է, թե Ադրբեջանը մեզ հետ խնդիր չունի, որ հասարակությանը պետք չէ ասել երկրի իրական խնդիրների մասին, որ ով կասկածում է «խաղաղության» վրա՝ իրականում պատերազմ է ուզում, հանգիստ համեմատում է հայ-ադրբեջանական հարաբերությունները եվրոպական երկրների հարաբերությունների օրինակի հետ, «ըմբռնումով» է մոտենում թուրքերի կողմից առաջ քաշած պահանջներին ու տարբեր նմանատիպ օրինակներ, հասկանում ես, որ քպ-ականների նման իրականությունից կտրվել է ու դարձել նիկոլական աղանդի զոհ:
Ամենազազրելին՝ առանց մի թթու բառով քննադատելու Փաշինյանին, Նիկոլի մեղքերը մաքրելու համար իր նախկին գործընկերներին է թիրախավորում, խոսքի մեջ մեղավոր է դարձնում Սերժ Սարգսյանին՝ նշելով, թե նախագահի արածի հետևանքները դեռևս տասնամյակներ չի լինելու ուղղել։ Ոնց որ Գեղամի դիմակի հետևից Նիկոլը խոսեր..․ Նույնիսկ հիմա ապահովագրում են իրենց հետագա տապալումներից... Դե միշտ մեղավորներ կգտնվեն...
Բայց Գեղամը մի բան պետք է հիշի. Փաշինյանի այլանդակ կառավարման հետևանքով մենք հասանք այս օրվան, կորցրեցինք Արցախը, հազարավոր տղաներ զոհվեցին, հարյուր հազարավոր հայեր բռնի տեղահան եղան, Հայաստանի սահմանները բզկտվեցին, իսկ իր ծննդավայր Կիրանցի կենտրոնում այսօր ադրբեջանցի սահմանապահն է կանգնած։ Սա փաստ է, ու ոչ մի խոհափիլիսոփայական զեղումներով իրականությունից չես կարող փախչել, հիմա աչքիդ առաջ տեսածը, կատարվածը ո՞նց կարելի է մոռանալ, ներել, հաշտ լինել ինքդ քեզ հետ..ո՞նց...
Այլևս անհերքելի է, որ Նազարյանն իր խոսքով, իր հաղորդած բովանդակությամբ ներկայացնում է փաշինյանական իշխանությունների պաշտպանությունը, նրա պահվածքը ոչ թե «ընդդիմախոսություն» է, այլ Նիկոլի կատարած հանցագործությունների «մարսման» և դրանց արդարացման ցինիկ դրսևորում»։