«ՔՊ-ում դիմագիծ ունեցող մարդ չպետք է լինի, Հայկ Սարգսյանը կլքի ՔՊ-ի շարքերը»․ Հովիկ Աղազարյան

«Հայկ Սարգսյանը կլքի ՔՊ կուսակցության շարքերը, քանի որ նրա վառ երևակայական նկրտումները վերածվեցին հողմաղացների դեմ պայքարի»,- այս մասին «24Նյուզ»-ի հետ զրույցում նշեց ՔՊ-ից վտարված ԱԺ պատգամավոր, ՄԱՍԿ կուսակցության ղեկավար Հովիկ Աղազարյանը՝ անդրադառնալով ՔՊ-ում առկա լարվածությանը։

«Ուրիշ տրամաբանություն է դրված ՔՊ-ում, իր նման տղերքը ՔՊ-ում տեղ չունեն․․․ Հայկ Սարգսյանը դիմագիծ ունեցող քաղաքական գործիչ է, բայց հիմա ՔՊ-ում դիմագիծ ունեցող մարդ չպետք է լինի, պետք է լինեն Նիկոլ Փաշինյանի կողմից ռետուշ արված, ստանդարտացված անձնավորություններ, ցավալի է, բայց իրականությունը դա է»,- նշեց Աղազարյանը՝ հավելելով, որ Նիկոլ Փաշինյանն Ալեն Սիմոնյանի և Հայկ Սարգսյանի միջև կընտրի Ալեն Սիմոնյանին, քանի որ «Ալեն Սիմոնյանը հնազանդ ԱԺ նախագահ է, կուրորեն ծառայում է Փաշինյանին»։