«Արցախցու անվտանգության երաշխավորը կարծես թե գոլորշիացել է»․ Էրիկ Բեգլարյան

Արցախի փաստաբանների պալատի նախագահ Էրիկ Բեգլարյանի ֆեյսբուքյան գրառումը. «Երբ որ արցախցին տուն էր կառուցում, ծառ էր տնկում, ապրում էր ու զարգացնում իր հայրենի հողը, նա ոչ միայն իր ընտանիքի, այլև ամբողջ Արցախի ապագայի վրա էր աշխատում։ Այդ ամենը անում էր այն համոզմամբ, որ իր թիկունքում կանգնած է Հայաստանի Հանրապետությունը՝ որպես Արցախի և արցախահայության անվտանգության երաշխավոր։
Բայց այսօր, երբ Արցախն այլևս դեֆակտո չկա որպես վարչական միավոր հայկական վերահսկողության ներքո գտնվող տարածք, արցախցու անվտանգության երաշխավորը կարծես թե գոլորշիացել է։ Մարդիկ, ովքեր տարիներ շարունակ ապրել էին պայքարի ու սպասման մեջ՝ հավատալով, որ հայրենիքի մեջ են ու հայրենիքի կողմից պաշտպանված, հանկարծ զգացին, որ մնացել են մենակ իրենց վիշտի, տագնապի և անորոշ ապագայի հետ։
Այս իրավիճակում հարց է ծագում՝ արդյո՞ք երբևէ եղել է իսկական երաշխավոր, թե՞ դա պարզապես հույս էր, որը ապրում էր մարդկանց սրտերում»։