«Քանի դեռ այս իշխանությունն իրենց դուդուկի տակ է պարում, միջազգային կառույցները լուռ են մնալու»․ Գեղամ Մանուկյան

«Եթե իրավական գործընթացով դատ լիներ, կարելի էր իրավական գնահատական տալ, բայց այս ամբողջ խեղկատակությունը իրավաբանության հետ կապ չունի։ Դատավոր, հանրային մեղադրող․ այդ ամեն ինչը խամաճիկություն է, որի տակ քողարկված է քաղաքականությունը»,- այս մասին լրագրողների հետ զրույցում ասել է «Հայաստան» խմբակցության պատգամավոր Գեղամ Մանուկյանը՝ անդրադառնալով Միքայել սրբազանի նկատմամաբ իրականացվող դատական գործընթացին:

Խոսելով ՀՀ գործող իշխանությունների նկատմամբ արևմտյան երկրների պահվածքի մասին՝ Մանուկյանը նշել է․ «Հայտնի խոսք կա՝ շանորդի է, բայց մեր շանորդին է։ Միջազգային հանրության քարե լռությունը պայմանավրոված է աշխարհաքաղաքական գործոններով: Քանի դեռ այս իշխանությունն իրենց դուդուկի տակ է պարում, նշանակում է իրենք լուռ են մնալու»: