«Ինչու՞ է Փաշինյանը նյարդային արձագանքում նախկին նախագահների գրառումներին». հարց՝ Արսեն Թորոսյանին

«Նախ՝ միայն Նիկոլ Փաշինյանը չի գրում, մենք բոլորս էլ գրում ենք, երկրորդ՝ նյարդայնության մասին խոսքը չափազանցված է»,- այս մասին «Նյուզ»-ի հետ զրույցում նշեց Աշխատանքի և սոցիալական հարցերի նախարար Արսեն Թորոսյանը՝ անդրադառնալով հարցին, թե ինչո՞ւ է Նիկոլ Փաշինյանը վերջին օրերին ակտիվ գրառումներ կատարում նախկին երեք նախագահների մասին, և ինչու է հատկապես նյարդային արձագանք ցուցաբերում Լևոն տեր-Պետրոսյանի գրառումների նկատմամբ։

«Վարչապետը կոնկրետ հարցեր է տալիս, և վերջում ամենակարևոր հարցը․ եթե բոլորն այդքան համոզված են իրենց բոլոր պնդումներում, ինչո՞ւ են խուսափում հրապարակային բանավեճից՝ ժողովրդի աչքի առաջ։ Սովորաբար նման հրավերներ ուղարկում է ընդդիմությունը իշխանություններին, և նրանք մերժում են, եթե ինչ-որ բան ունեն թաքցնելու, բայց մենք ունենք հակառակ իրավիճակ, երբ որ մենք ենք խնդրում, պնդում, հրավիրում, համոզում, որ գան բանավեճի, որպեսզի ցույց տանք, թե իրականում ինչ է եղել, ինչպես է եղել»,- նշեց Թորոսյանը։