«Ռիսկ կլինի, եթե «խաղաղության խաչմերուկի» մի մասն իրագործվի, մյուս մասը՝ ոչ»․ Սոբհանի

«Իրանը ողջունել ու աջակցություն է հայտնել «Խաղաղության խաչմերուկ» նախագծին, ըստ որի՝ տարածաշրջանի բոլոր երկրները կկարողանան տարածաշրջանի տրանսպորտային ուղիներից օգտվել»,- այս մասին այսօր հրաժեշտի ասուլիսում ասել է ՀՀ–ում Իրանի դեսպան Մեհդի Սոբհանին՝ կարևորելով վաշինգտոնյան համաձայնագրերում փոխադարձության սկզբունքի առկայությունը։

«Եթե փոխադարձության սկզբունքի հիման վրա Ադրբեջանը կարղ է կապ հաստատել Նախիջևանի հետ, ապա փոխադարձաբար Հայաստանն էլ պետք է կարողանա այդ ճանապարհով կապ հաստատել Իրանի հետ․․․ Եթե բոլոր երկրները կարողանան օգտվել այդ տրանսպորտային հնարավորութուններից՝ դա կբխի բոլորի շահերից․․․ Անհասկանալի հարցերը վերաբերում են ճանապարհի օպերատորի գործողություններին․․․, մանրամասները հստակ չեն։ Ռիսկ կլինի այն դեպքում, եթե այդ նախագծի մի մասը իրագործվի, իսկ մյուս մասը՝ ո՛չ, այսինքն՝ «խաղաղության խաչմերուկի» ճանապարհների մի հատվածը օգտագործվի, իսկ մի մասը՝ ոչ։ Բոլորը պետք է այդ ճանապարհներից կարողանան օգտվել, և նրանց երթևեկությունը պետք է ապահովված լինի»,- ասաց դեսպանը։