«Էրդողանի հայտարարությունն ավելի շատ սպառնալիք է նոր պատերազմների և ներխուժումների». Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը․ «2002-ին Թուրքիայում ԱԶԿ կուսակցության նախընտրական ծրագրում շատերի ուշադրությունը գրավեց «զրո պրոբլեմ հարևանների հետ» կոնցեպտը, որն այդ կուսակցության իշխանության գալուց հետո հայտարարվեց Թուրքիայի արտաքին քաղաքականության 4 սկզբունքներից մեկը, և մոտ մի տասնամյակ ակտիվ քննարկվում էր թե՛ երկրում, թե՛ երկրից դուրս։
Հիմա ԱԶԿ-ն արդեն 20+ տարի է՝ իշխանության է։
Այս տարիներում Էրդողանի հայտարարած «զրո պրոբլեմը» տեսանք. Սիրիայում պատերազմի հրահրում և դրանից օգտվելով՝ սիրիական տարածքների զավթում, բազում ներխուժումներ Իրաք՝ էլի տարածք զավթելով, Ուկրաինայում պատերազմի հրահրմանը մասնակցություն, 44-օրյա պատերազմի հրահրում և մասնակցություն դրան և այլն, և այլն։
Ըստ այդմ Էրդողանի երեկվա այս հայտարարությունը, ըստ իս, ավելի շատ սպառնալիք է նոր պատերազմների և ներխուժումների. «Թուրքիայի նպատակը տարածաշրջանում խաղաղության, հանգստության և կայունության ապահովումն է...»։
Մնում է հասկանալ, թե հայկական (ոչ նիկոլական) լրատվամիջոցները ինչու են Էրդողանի այս հերթական երեսպաշտությունը տարածում»։