«Ոչ մի պարագայում համահարթեցնել բժիշկին և կրտսեր բուժաշխատողին ՉԻ ԿԱՐԵԼԻ». Քրիստինա Վարդանյան

Երևանի ավագանու անդամ Քրիստինա Վարդանյանը ֆեյսբուքյան իր էջում գրել է․ «Օրերս կլրանա 20 տարին, որ Բժշկական համալսարանում կրթում եմ ապագա բժշկներին։ ԱԺ-ում տեղի ունեցածի հետ կտրականապես համաձայն չեմ, քանզի ինքս եմ հաղթահարել երազածս բժշկական կրթությունը և արտակարգ գիտեմ անցածս ճանապարհի արժեքը։ Այս կրթությունը 9-10 տարի անընդմեջ աշխատանք է պահանջում և ոչ մի պարագայում համահարթեցնել բժիշկին և կրտսեր բուժաշխատողին ՉԻ ԿԱՐԵԼԻ, դա սարսափելի արարք է։
Իմ փայլուն երեխեք, այսօրվա ուսանողներ և կայացած բժիշկներ, երբեք չհուսահատվեք և կասկածի տակ չդնեք ԿՐԹՈՒԹՅԱՆ ՈՒԺԸ, զենքը ԳԻՏԵԼԻՔՆ է, ի օգուտ օգտագործեք ժամանակը, այն միայն հեռանում է… Ինչքան բարձրանաք սոցիումում, այդքան ավելի գրագետ պետք է լինեք, հակառակ դեպքում ի ցույց են դրվելու բոլոր բացերը։ Ուժեղին նույնիսկ թշնամին է հարգում, երբ բոլոր ճանապարհներով հարվածում և պատերազմում է։
Գիտելիքն է լույսը»: