«Հունվարին քաղաքական միավոր դառնալու հետ կապված գործընթացներ կսկսենք»․ Նարեկ Կարապետյան

«Մեր ձևով» շարժումն այսօր գրասենյակ բացեց Գյումրիում։

«Այսօր Գյումրիի օրն է, նաև այդ պատճառով որոշեցինք այսօր բացել մեր շարժման գրասենյակը․․․ Այս պահին աշխատում ենք «Վառեմ-մարեմ»-ի շենքի վրա, որից հետո կներկայացնենք մեր հետագա քայլերը, նաև Գյումրիի վերաբերյալ մեր ամբողջական տեսլականը»,- լրագրողների հետ զրույցում ասաց «Մեր ձևով» շարժման համակարգող Նարեկ Կարապետյանը։

Անդրադառնալով հարցին, թե երբ շարժումը կդառնա քաղաքական միավոր, Կարապետյանը պատասխանեց․

«Կարծում եմ՝ 2026 թ. հունվարին կարող ենք քաղաքական միավոր ստեղծելու հետ հապված գործընթացներն սկսել։ Հետագայում կներկայացնենք, թե ինչ աշխատանքներ են կատարվել շարժման անդամների ու հազարավոր կամավորների կողմից մեր երկրում»։