«Քաղաքական դաշտում նկատվում է հոգնածություն․ չկա էնտուզիազմ»․ Արա Պողոսյան

Քաղաքագետ Արա Պողոսյանը գրում է. «Հայկական քաղաքական դաշտում նկատվում է չափազանց մեծ հոգնածություն։ Տպավորություն է, որ բոլոր դերակատարներն հոգնել են քաղաքական կյանքից և միայն ստիպողաբար են զբաղվում քաղաքականությամբ․․․ Սա իհարկե տպավորություն է։
Քաղաքական գործունեության մեջ չկա էնտուզիազմ, ստեղծագործականություն, անսպասելիության գործոն, հասարակության հետ տարվող աշխատանքը չափազանց պրոտոկոլային բնույթ է կրում՝ ձևի համար, կարծես ընդամենը (+) ստանալու համար։ Սա անթույլատրելի է, որովհետև Նիկոլ Փաշինյանն, ի տարբերություն մնացածի, մեծ էնտուզիազմով է նվիրվել իր կեղծիքի և ստի քարոզին, ու մարդիկ նաև հավատում են այդ կեղծիքին, ստին, անորակ մտքին․․․
Հիմա բոլոր դերակատարները պետք է խոստանան, որ վաղը ընտրությունները տապալելու դեպքում ժողովրդին չեն մեղադրելու․․․ Ժողովրդին մեղադրելն ընդամենը սեփական ծուլությունն ու անկարողությունը ծածկելու միջոց է»: