«Աշխարհաքաղաքական կենտրոններից ոչ մեկը ՀՀ-ում իշխանություն փոխելու մտադրություն չունի»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Հայաստանում, ի տարբերություն Վրաստանի, համապետական ընտրություններով իշխանություն չի փոխվել։ Ատալինն ասել է՝ կարևորն այն չէ, թե ընտրություններում ում օգտին են քվեարկում, կարևորն այն է, թե ով է քվեները հաշվում։ Նիկոլ Փաշինյանը նախկինում իր ընտանեկան թերթում լրագրող աշխատածին ուղարկել է ԿԸՀ ղեկավարելու, քվեները հաշվելու։ 2026-ին կարող է պարզվել, որ Հայաստանում մոտ 3 միլիոն ընտրող կա, ոչ ոք չի կարող բացառել, որ ընտրություններին ընդառաջ հարևան, ոչ բարեկամ երկրում ՀՀ անձնագրերի նոր, մի քանի հարյուր հազարանոց խմբաքանակ կարող է տպագրվել։ Իշխանությունը փոխելու հարցը որոշվում է ընտրություններից առաջ կամ հետո, առայժմ աշխարհաքաղաքական կենտրոններից ոչ մեկը Հայաստանում իշխանություն փոխելու մտադրություն չունի, Փաշինյանի իշխանությունը Հայաստանի հաշվին բոլորի պահանջները գերազանց կատարում է։ Սակայն աշխարհաքաղաքական քամին, գեոպոլիտիկ շահը փոփոխական է, և մինչև ԱԺ ընտրությունները, 8 ամսում շատ բան կարող է փոխվել»։