«2026-ի ընտրություններն անցնելու են ռեսուրսների մրցավազքով, ոչ թե գաղափարների»․ Սամվել Ասլիկյան

ԱԺԲ անդամ Սամվել Ասլիկյանի ֆեյսբուքյան գրառումը․ «Ի սկզբանե պարզ էր, բայց գնալով ավելի պարզ է դառնում, որ 2026 թ.-ի ընտրությունները անցնելու են ռեսուրսների մրցավազքով, այլ ոչ թե գաղափարների և ծրագրերի։
Ռեսուրսների մրցավազքում ակնհայտ է, թե ովքեր են առաջնորդները՝ նիկոլը, Տաշիրը, քոչարյանը և գուցե սերժիկը։
Ընտրություններում սրանց հետ անիմաստ է մրցակցել, քանզի հաղթելու համար պետք է ունենաս նույնքան փող և ռեսուրս, որքան ունեն նրանք։ Սակայն կա երկու սցենար, որոնց դեպքում ընտրությունների միջոցով իշխանափոխության որոշակի հնարավորություն կարող է ստեղծվել․
1. Ազգային միտք ունեցող բոլոր անձանց և ֆինանսական ռեսուրսներ ունեցող անկախ հայերի լայն համախմբում։
2. Նախքան ընտրությունները կրեմլի թուլությունը կամ տապալումը, որի շնորհիվ Տաշիրը, քոչարյանը, սերժիկը և Հայաստանի պետական համակարգը կմնան առանց հենարանի կամ կլինեն խառնաշփոթի մեջ։
Սա միակ հնարավորությունն է, որով կարող է բացվել ընտրություններով իշխանափոխության պատուհան»: