«Սահմանազատմամբ հնարավոր կլինի՞ Ջերմուկի օկուպացված տարածքներն ազատագրել»․ հարց՝ Վահագն Արսենյանին

Կառավարության որոշման համաձայն Վահագն Արսենյանն այսօր նշանակվեց Վայոց ձորի մարզպետ:

Հիշեցնենք, որ Վահագն Արսենյանը «Ջերմուկ գրուպ»-ի ՓԲԸ սեփականատեր Աշոտ Արսենյանի որդին է, մինչ այս նա զբաղեցնում էր Ջերմուկի համայնքի ղեկավարի պաշտոնը։
Լրագրողների հարցերին՝ արդյո՞ք նորանշանակ մարզպետի քաղաքական հայացքները տարբերվում են հոր՝ նախկին ՀՀԿ-ական Աշոտ Արսենյանի քաղաքական հայացքներից, նա պատասխանեց, որ ինքը ՔՊ-ի հետ է արդեն երկար տարիներ ճանապարհ անցնում և որ իր հայրն էլ է հիմա կիսում Նիկոլ Փաշինյանի քաղաքականությունը։
Հարցին՝ սահմանազատմամբ հնարավոր կլինի՞ Ջերմուկի օկուպացված տարածքներն ազատագրել, Արսենյանը պատասխանեց․ «Կարծում եմ՝ այո»։
Նա հեռացավ՝ խուսափելով պատասխանել լրագրողների մի շարք հարցերին․ «Նենց հարցեր եք տալիս, դրա համար բան եմ անում էլի․․․ամեն հինգշաբթի հանդիպելու ենք, նենց արեք, որ ես էլ հավեսով․․․»,-ասաց Արսենյանը։