«Ի՞նչի համար եք պարգևատրվել․ Արցա՞խն եք ազատագրել, բանակո՞ւմ եք ծառայել»․ հարց՝ Վահան Կոստանյանին

«Հայրենիքին մատուցած ի՞նչ ծառայությունների համար եք պարգևատրվել, Արցա՞խն եք ազատագրել, բանակո՞ւմ եք ծառայել․․․»,- ճեպազրույցի ժամանակ լրագրողները հետաքրքրվեցին ԱԳՆ փոխնախարար Վահան Կոստանյանինց՝ նկատի ունենալով նրա՝ «Հայրենիքին մատուցած ծառայությունների համար» 1-ին աստիճանի շքանշանով պարգևատրվելը։

«Ինքս չեմ սիրում խոսել այն աշխատանքի մասին, որն իրականացրել եմ, ենթադրում եմ՝ մի օր դրա մասին ավելի հայտնի կդառնա»,- պատասխանեց փոխնախարարը՝ հավելելով, որ դիվանագիտական ծառայության միջոցով նույնպես կարելի է հայրենիքին ծառայություն մատուցել։