«Մեր խորհրդանիշը թևավոր ցուլն է»․ Արման Թաթոյան

Նախկին ՄԻՊ Արման Թաթոյանը «Միասնության թևեր» քաղաքական նախաձեռնություն է սկսում, որով նա կմասնակցի 2026 թվականի խորհրդարանական ընտրություններին։
«Կփորձեմ պետության և ժողովրդի շահերի պաշտպանությանն ուղղել իմ և իմ թիմակիցների բոլոր ջանքերը։ Միասնության թևեր նշանակում է, որ պետք է իրար թևութիկունք լինենք, այն նաև նշանակում է հայ ժողովրդի միասնություն և համերաշխություն՝ Հայաստանում և Սփյուռքում։ Մեր խորհրդանիշը թևավոր ցուլն է, որի թևերին փարված են մեզ առաջնորդող յոթ արժեքեները, իսկ ցուլն ինքնին խորհրդանշում է ուժ, աշխատասիրություն, հետևողականություն, համառություն, համբերություն և հաղթանակ»,- նախաձեռնության մեկնարկին նվիրված միջոցառմանն ասաց Թաթոյանը՝ ներկայացնելով այն բոլոր հիմնախնդիրները, որոնք լուծման կարիք ունեն։