Նիկոլ Փաշինյանը Դուշանբեում մասնակցում է ԱՊՀ պետությունների ղեկավարների խորհրդի նիստին․ ՈՒՂԻՂ ՄԻԱՑՈՒՄ

127

Այսօր, 10:00

Վարչապետ Նիկոլ Փաշինյանն աշխատանքային այցով Տաջիկստանի Հանրապետությունում է, նա մասնակցում է

ԱՊՀ պետությունների ղեկավարների խորհրդի հերթական նիստին: Այս պահին երկրների ղեկավարների ժամանման արարողությունն է։
Փաշինյանն առավոտյան առանձնազրույց է ունեցել Տաջիկստանի Հանրապետության նախագահ Էմոմալի Ռահմոնի հետ:

Վերջինս ողջունել է ՀՀ վարչապետի այցը և նշել, որ այսօրվա հանդիպումը լավ հնարավորություն է քննարկելու երկկողմ հարաբերությունների հետագա զարգացմանն ուղղված օրակարգային հարցերը:

Վարչապետ Փաշինյանն իր խոսքում նշել է, որ Կառավարությունը կարևորում է Տաջիկստանի հետ բազմոլորտ կապերի ընդլայնումն ու խորացումը:

Զրուցակիցները մտքեր են փոխանակել առևտրատնտեսական հարաբերություններին նոր ազդակ հաղորդելու հետագա քայլերի շուրջ:

Անդրադարձ է կատարվել Հայաստանի և Ադրբեջանի միջև խաղաղության հաստատման արդյունքում ստեղծված հնարավորություններին և տարածաշրջանում համագործակցության մթնոլորտի ամրապնդմանը, TRIPP նախագծի և «Խաղաղության խաչմերուկ»-ի իրականացմանը:

Էմոմալի Ռահմոնը ողջունել է Վաշինգտոնի հանդիպման արդյունքներով խաղաղության համաձայնագրի նախաստորագրումը և հայտնել իր երկրի աջակցությունը Հայաստան-Ադրբեջան հարաբերությունների կարգավորման գործընթացում: