«Ալիևը գնաց, Նիկոլն էլ ստիպված ներկայացավ»․ Արմեն Հովասափյան

ՀՀԿ խորհրդի անդամ Արմեն Հովասափյանի ֆեյսբուքյան գրառումը․ «Նիկոլի՝ Դուշանբե գնալու հետ կապված մի քանի նկատառում անեմ՝ պարզապես փաստելու համար։ Խորը համոզմունք ունեմ, որ Նիկոլը սկզբում ընդհանրապես նպատակ չուներ մասնակցել այդ միջոցառմանը, պարզապես երբ Ալիևը գնաց, նա էլ ստիպված ներկայացավ։
Եթե չեք հիշում, ասեմ՝ Ալիևի՝ ԱՊՀ գագաթնաժողովին մասնակցելու մասին տեղեկացանք ընդամենը երկու օր առաջ՝ Պուտին-Ալիև հեռախոսազրույցից հետո, երբ Պեսկովը հայտարարեց, որ Դուշանբեում Պուտինը հանդիպելու է Ալիևին։ Ադրբեջանական կողմը պարզապես հաստատեց Պեսկովի ասածը։
Մինչ այդ Նիկոլը ոչ մի բառ չէր ասել, և հանկարծ հայտնի դարձավ, որ Բրյուսելից մեկնելու է Դուշանբե։ Նկատենք, որ նման հավաքները, որպես կանոն, ամիսներ առաջ են համաձայնեցվում, ուստի չի բացառվում, որ նրան հրավիրել էին հընթացս՝ դատելով Ալիև-Լուկաշենկո զրույցից։
Առանձին խոսակցության թեմա է Դուշանբեում տեղի ունեցած ստորացուցիչ տեսարանը, երբ ԱՊՀ ղեկավարները հեգնանքով ասում էին Իլհամին՝ «էս տարածքում եք, չէ՞, առաջին անգամ հանդիպել Փաշինյանին»։ Առաջին հայացքից տպավորություն էր, թե ասում էին՝ «էն ջահելին էստեղ տեսար, չէ՞»։ Նման քաղաքական նվաստացում հազվադեպ եմ տեսել։
Եվ վերջապես հարց է ծագում․ արդյո՞ք Նիկոլը կգնար Դուշանբե, եթե իր գործընկերը նախապես չհայտարարեր դրա մասին»։