«Իրավական պետության սպառնալիքների կանխումը պետք է լինի օրինական մեթոդներով և միջոցներով»․ Արթուր Սաքունց

Իրավապաշտպան Արթուր Սաքունցի ֆեյսբուքյան գրառումը․ «Օրինականության, իրավունքի գերակայության սկզբունքից ցանկացած նահանջի դեպք, դրսևորում պարարտ հող է ստեղծում հակաժողովրդավարական ուժերի համար, հենց ժողովրդավարության, իրավական, ինքնիշխան պետության սպառնալիքների տեսակետից կենսական խնդիրներից հանրային ուշադրությունը, գիտակցությունը շեղելու և այդ սպառնալիքների կանխման գործողությունների օրինականության հարցերի վրա կենտրոնանալու միջոցով:
Հազար անգամ է պատմությունը հաստատել. միջոցները չեն կարող արդարացնել նպատակը:
Անկախ, ժողովրդավար, իրավական ու սոցիալական պետության սպառնալիքների կանխումը պետք է լինի բացառիկ օրինական մեթոդներով և միջոցներով, պետք է երաշխավորված ու իրականացված լինի հաշվետու և թափանցիկ կառավարումը, հնարավոր ու անխուսափելի մանիպուլիացիաների, ապատեղեկատվության դրսևորումները կանխելու համար:
Այս սկզբունքներից շեղումը պարարտ հող է ստեղծում հենց հակաժողովրդավարական վարակի տարածման համար, հանգեցնում դրանց ձևական լեգիտիմության պատրանքների ձևավորմանը, մի կողմ թողնելով, հանրային քննարկման օրակարգից դուրս մղելով դրանց բովանդակային ոչ լեգիտիմության հետ կապված հարցերը»: