«Վաղը բոլորիդ կա՛մ պարտադրվելու է «դավանափոխություն»՝ ՔՊ-ացում, կա՛մ շպրտվելու եք բանտախցեր». Վահե Սարգսյան

Պատմաբան, խմբագիր Վահե Սարգսյանի ֆեյսբուքյան գրառումը․ «Վարդան Ղուկասյանին կարող եք հարգել կամ քննադատել, կարող եք արժևորել իր նվիրվածությունը հայրենի քաղաքին ու կատարած բազում գործերը կամ աշխարհի մեղքերը վերագրել իրեն։ Ձեր իրավունքն է։
Բայց։
Այս պահին դա քննարկելն ուղիղ ծառայում է Նիկոլին, իսկ քննարկողները կամ ջայլամի պես գլուխներն ավազի մեջ մտցրած չեն տեսնում կատարվողը, կամ իրենց սրտում ունեն փոքրիկ Նիկոլիկ, որը երբեմն թաքցնում են, երբեմն բացում։
Իսկ Փաստն այն է, որ Նիկոլի ռեժիմը հոշոտում է ոչ յուրային ՏԻՄ-երին, ընտրված մարդկանց միմիայն այն բանի համար, որ սեփական հանցավոր ու թրքաբարո խունտայից չեն։
Ավելին, այդ ուղտը չոքելու է բոլոր լռողների ու հարմարվողների, գլուխն ավազի մեջ կոխածների դռանը։ Վաղը բոլորիդ՝ Վեհափառից մինչ ամենաշարքային ուսուցիչ, նկարիչից մինչ օպերային երգիչ, գիտաշխատողից մինչ անհատ ձեռնարկատեր, կա՛մ պարտադրվելու է «դավանափոխություն»՝ ՔՊ-ացում, իսկ այնուհետև՝ թուրքական ստրկություն, կա՛մ բոլորդ հռչակվելու եք Վարդան Ղուկասյանից է՛լ ավելի բեթար «հանցագործ» ու շպրտվելու եք նրա ու նրան հարևան բանտախցեր»: