«Բեմականացմամբ ցույց տրվեց՝ ով հանդգնում է Նիկոլ Փաշինյանի հետ համաձայն չլինել, նրա անձնական թշնամին է». Արթուր Խաչատրյան

«Սա քրեական փաթեթավորմամբ քաղաքական գործընթաց է»,- Հակակոռուպցիոն դատարանի դիմաց լրագրողների հետ զրույցում ասել է ԱԺ «Հայաստան» խմբակցության պատգամավոր Արթուր Խաչատրյանը՝ անդրադառնալով Վարդան Ղուկասյանի ձերբակալությանը:

Նա ընդգծել է, որ երբ Նիկոլ Փաշինյանը հայտարարեց, որ Վարդան Ղուկասյանը պետք է դուրս շպրտվի, ակնհայտ է, որ «այս բեմականացումը պետք է բեմադրվեր Գյումրիում, որպեսզի ցույց տրվեր բոլոր նրանց, ով հանդգնում է Նիկոլ Փաշինյանի հետ համաձայն չլինել, ով ունի սեփական կարծիքը, Նիկոլ Փաշինյանի անձնական թշնամին է»: