«Դատական համակարգի խնդիրները խորն են․ ֆինանսավորումը շատ հարցեր է լուծում»․ Նիկոլ Փաշինյան

«Դատական համակարգի խնդիրներն իրականում շատ ավելի խորն են, քան մենք պատկերացնում ենք»,- այս մասին Ազգային ժողով-Կառավարություն հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը՝ անդրադառնալով ընդդիմադիրների մեղադրանքներին՝ դատական իշխանության վրա ունեցած ազդեցության, դատարանները «գրպանում պահելու» վերաբերյալ։

«ՀՀ-ում բոլոր իշխանությունների համար մի աղբյուր կա, այն է՝ ժողովուրդը: Ես այսօր տեսնում եմ համակարգային պրոբլեմ, որ դատական իշխանությունն օրգանական կապ չունի ժողովրդի հետ, այսինքն՝ կղզիացած վիճակ է, և այդ օրգանական կապի բացակայությունը լրջագույն պրոբլեմներ է ստեղծում»,- նշեց Փաշինյանը՝ հավելելով, որ նոր Սահմանադրության համատեքստում պետք է լուծումներ գտնել։

«Չի կարող լինել մեր հանրային ընկալումներին համապատասխան դատական համակարգ, եթե դատական համակարգը համապատասխան չափով չի ֆինանսավորվում: Այդ ֆինանսավորումը շատ հարցեր է լուծում»,- ընդգծեց վարչապետը։